बॉलिवूडचा भाईजान सलमान खान पुन्हा एकदा बॉक्स ऑफिसवर ‘सिकंदरगिरी’ करत आहे! ए. आर. मुरुगादॉस दिग्दर्शित आणि सलमान खान-रश्मिका मंदान्ना अभिनीत सिकंदर चित्रपटाने पहिल्याच दिवशी २६ कोटींची कमाई केली. दुसऱ्या दिवशी म्हणजेच ईदच्या सुट्टीनिमित्त एकूण कमाई ५० कोटींच्या वर गेली आहे. पण प्रश्न आहे – ही कमाई सलमानच्या स्टार पॉवरमुळे आहे की चित्रपट खरोखरच दमदार आहे?
सलमानची मॅजिक की जनतेचा फसवा कॅल्क्युलेशन?
पहिल्याच दिवशी २६ कोटींचा आकडा गाठत सलमानने स्वतःच्याच जुन्या काही चित्रपटांना मागे टाकले आहे. ‘बॉडीगार्ड’ (२१.६० कोटी), ‘रेस ३’ (२९.१७ कोटी) आणि ‘बजरंगी भाईजान’ (२७.२५ कोटी) यांच्याशी तुलना करता सिकंदर चांगली सुरुवात झाली आहे. पण ‘सुल्तान’ (३६.५४ कोटी) आणि ‘भारत’ (४२.३० कोटी) च्या तुलनेत मात्र हा आकडा थोडासा मागे राहिला. म्हणजेच, भाईजानच्या तुलनेत भाईजानच थोडे मागे पडले.
कथा आहे की टिपिकल मसाला?
चित्रपटाच्या कथेबाबत सोशल मीडियावर संमिश्र प्रतिक्रिया मिळत आहेत. काही प्रेक्षकांना सलमानचा मॅचो अवतार भावला, तर काहींनी ‘हाच काय नवीन सिनेमा आहे?’ असा खोचक प्रश्न विचारला. एका ट्विटर (X) युजरने लिहिले –
“सिकंदर पाहिला. कथेत काहीच सिकंदरगिरी नाही. पण भाई आहे, म्हणून टाळ्या आणि शिट्ट्या सुरूच!”
तर दुसऱ्या युजरने भन्नाट प्रतिक्रिया दिली –
“सिनेमात काही नवीन आहे का? हो, रश्मिका मंदान्ना पहिल्यांदाच सलमानसोबत दिसतेय. बाकी तोच जुन्या मसाल्याचा सिनेमा!”
ईद बोनस की सलमानचा ‘टिकट कलेक्शन’ चा जुगाड?
ईदच्या मुहूर्तावर सलमानचा चित्रपट म्हणजे पहिल्या काही दिवसांत हाऊसफुल्लची गॅरंटी! मात्र, वास्तविकता अशी की, सलमानच्या काही चित्रपटांनी जोरदार सुरुवात करूनही नंतर गडगडले आहेत. त्यामुळे सिकंदर ची पुढील कमाई पाहणे महत्त्वाचे ठरेल.
सामान्य प्रेक्षक काय म्हणतोय?
👉 ट्विटर युजर @BollywoodCritic: “सिकंदर बघितला. १० मिनिटांतच स्टोरी ओळखली, २० मिनिटांत डोकं ठणकायला लागलं, आणि ३० मिनिटांत झोप लागली!”
👉 इंस्टाग्रामवर एका मिमरची प्रतिक्रिया: “भाईचा चित्रपट आला की समीक्षकांना सुट्टी मिळते. समीक्षण फक्त तीन शब्दांत – भाई आहे ना! #Sikandar #SalmanKhan”
👉 फेसबुक युजर @CineLover: “बॉलीवूडमध्ये आशयप्रधान सिनेमांची वाट लागलीय. सिकंदर ही त्याचाच आणखी एक नमुना! रश्मिकाला तरी बरं स्क्रीन टाइम मिळाला का?”
आता पुढे काय?
सिनेमाची बॉक्स ऑफिसवर पहिल्या काही दिवसांतली कमाई जोरदार असली तरी तिसऱ्या-चौथ्या दिवसाची कमाई ठरवेल की हा चित्रपट ब्लॉकबस्टर होणार की बॉक्स ऑफिसवर फ्लॉप सिकंदर!
तुम्ही सिकंदर पाहिलात का? तुम्हाला कसा वाटला? टिपिकल सलमान मसाला की काही वेगळं? प्रतिक्रियांसाठी कमेंट करा!