कल्याण डोंबिवली, ३ नोव्हेंबर २०२४ (प्रतिनिधी रवींद्र दाभाडे): कल्याण डोंबिवलीतील शिवसेना (शिंदे गट) च्या माननीय विश्वनाथ भोईर यांच्या मध्यवर्ती कार्यलयाचे उद्घाटन मोठ्या उत्साहात पार पडले. या उद्घाटन सोहळ्यात टिटवाळा विभागातील शिवसेना उपशहर प्रमुख श्री. विजय देशकर आणि त्यांच्या सहकाऱ्यांनी शिवसैनिकांचा भव्य ताफा घेऊन सहभाग नोंदवला.
या भव्य शक्तिप्रदर्शनातून शिवसेना (शिंदे गट) च्या प्रभावी कार्यशैलीची झलक दिसून आली. श्री. विजय देशकर यांचे टिटवाळा विभागातील शिवसैनिकांमध्ये असलेले मजबूत जनसंपर्क आणि संघटनशक्ती यामुळे या कार्यक्रमाला अभूतपूर्व प्रतिसाद मिळाला. शिवसैनिकांनी गाड्यांच्या ताफ्यासह कल्याण डोंबिवलीमध्ये प्रवेश केला, ज्यामुळे संपूर्ण परिसरात शिवसेनेचा जल्लोष पहायला मिळाला.
विश्वनाथ भोईर यांच्या नेतृत्वाखालील कार्यलयाचे उद्घाटन म्हणजे केवळ निवडणुकीसाठी नव्हे, तर कल्याण-डोंबिवलीतील विकास आणि सर्वसामान्यांच्या प्रश्नांवर लक्ष केंद्रीत करण्याचे ठोस आश्वासन ठरले आहे. या सोहळ्यात उपस्थित शिवसैनिकांनी त्यांच्या नेत्यावरील विश्वास व्यक्त केला व आगामी निवडणुकीत विजयाच्या निर्धाराचे स्पष्ट संकेत दिले.
शिवसेना (शिंदे गट) नेत्यांच्या या प्रयत्नामुळे कल्याण डोंबिवलीत पुढील निवडणुकीसाठी शिवसेना (शिंदे गट) च्या उमेदवारांसाठी मजबूत आधार तयार झाला आहे. विश्वनाथ भोईर यांचा भविष्यातील आमदार होण्याचा आत्मविश्वास आणि त्यांचे जनाधारातील प्रेम या उद्घाटन सोहळ्यात अनुभवायला मिळाले.