वाकड, 15 ऑगस्ट 2025 – वाकड येथील अभिराज फाउंडेशन या दिव्यांग मुलांच्या शाळेमध्ये 79 वा स्वातंत्र्य दिन मोठ्या उत्साहात आणि देशभक्तीच्या वातावरणात साजरा करण्यात आला.
कार्यक्रमासाठी प्रमुख पाहुणे म्हणून We Togetherचे अध्यक्ष मा. मधुकर बच्चे, लायन्स क्लब ऑफ रहाटणी पुणे चे डायरेक्टर लायन अशोक बनसोडे, अभिराज फाउंडेशनचे डायरेक्टर श्री. रमेश मुसूडगे, पालक संघ सदस्य श्री. सिद्धार्थ उघाडे सर, We Together चे सचिव श्री. जयंत कुलकर्णी, श्री. सलीम सय्यद, सौ. गोळे, पालक संघ सदस्य श्री. धनंजय बालवडकर, तसेच शाळेच्या मुख्याध्यापिका सौ. अनिता चव्हाण, शिक्षक, पालक आणि विद्यार्थी उपस्थित होते.
मान्यवरांच्या हस्ते ध्वजारोहण करण्यात आले. त्यानंतर राष्ट्रगीत व ध्वजगीत सादर होऊन कार्यक्रमाची सांगता देशभक्तीच्या वातावरणात झाली. संतोष कोळी या विद्यार्थ्याने प्रार्थना सादर करत कार्यक्रमाची सुरुवात केली. यावेळी शाळेतील विद्यार्थ्यांनी यंग ऍथलेटिक कार्यक्रम सादर केला. या सादरीकरणासाठी क्रीडा शिक्षक विकास जगताप, ऋषीकेश मुसूडगे आणि योगेश दादा यांनी विद्यार्थ्यांना मार्गदर्शन केले.
कार्यक्रमादरम्यान कुणाल, गोपी, मयूर, भरत आणि रविकांत या दादा यांचा मान्यवर पाहुण्यांच्या हस्ते सत्कार करण्यात आला. प्रमुख पाहुणे मा. मधुकर बच्चे, श्री. अशोक बनसोडे आणि सौ. गोळे यांनी आपल्या मार्गदर्शनपर भाषणातून विद्यार्थ्यांच्या आणि शिक्षकांच्या कार्याचे कौतुक केले तसेच स्वातंत्र्य दिनाच्या शुभेच्छा दिल्या.
कार्यक्रमाचे सूत्रसंचालन स्मिता हांडे यांनी केले, पाहुण्यांची ओळख सौ. वैशाली खेडेकर यांनी करून दिली तर आभार प्रदर्शन सौ. वंजारी यांनी केले. कार्यक्रमानंतर सर्वांना खाऊ वाटप करण्यात आले.
अशा प्रकारे अभिराज फाउंडेशनच्या दिव्यांग विद्यार्थ्यांनी व शिक्षकांनी मिळून स्वातंत्र्य दिनाचा सोहळा देशभक्तीच्या उत्साहात साजरा केला.
✍️ पत्रकार : रमेश मुसूडगे
(मो. 9766053401)